mei hund is a
frecha hund

mei koda is a
kuula hund

mei bua is a
ohdrada hund

mei oida is a
faula hund

und i bin a
oama hund


(jänna 2010)

© bei da elis rotter

wüvü
kalorien
hot de
karolin
eigendlich
ghabat?


(dezemba 2009)

© bei da elis rotter

waeu i kaan poista hob

streck i mi noch da deckn

owa do san lauta lecha drin

oiso leg i mi aufd kantn

und moch de augn zua


(dezemba 2009)

© bei da elis rotter

voi lustich sein
owa ohne humor

si endlich wos traun
owa ohne gefoah

seha vü zum redn
owa goanix zum sogn

mehrere gänge
owa kaum wos im mogn

uandlich vü saufn
und iwahauptnix vatrogn


(dezemba 2009)

© bei da elis rotter

schdö da vua
a vuabüd
schdöd si
vua

und du
sichsd
nix


(dezemba 2009)

(c) bei da elis rotter

jez hauma wieda
an scheen
großn
rotn
ballon
aufblosn

schau wira
strohid
und glizad
in da sunn

wira dahieschwebt
und daunzd

schauma hoid
dass eam
ned
z´schnö
d´luft
ausgähd


(dezemba 2009)

© bei da elis

aus den
einschlägigen
ratschlägen
im umschlag

profit schlagen

(dezember 2009)

© by elis rotter

die stimmung
schlägt
schnippchen
kapital
um

das kind
schlägt
nach dem vater
über die stränge
alarm

der hund
schlägt
sich in die büsche
wurzeln
an

die methode
schlägt
den weg
das lenkrad
ein

die stunde
schlägt
sich aus dem kopf
durchs leben


(dezember 2009)

(by) elis rotter