a zoates bimmln
fliagn leicht ööfn umadum?
aah, de schneegleckal

(mäaz 2010)

© bei da elis rotter

mei schalossie blinkt
es wiad hölla und hölla
de sunn kummt außa

© bei da elis rotter

gschneizt und kamplt
in picobelloschuach

de knepf auf sein
neichn aunzug
haun das aug auße
vua lauta glizan

und dea grinsa...

dazua a peamanenta
gudaonkl-blick

so schdäda plözlich
vua dia

und ned
auf pferdefiaß

(mäaz 2010)

© bei da elis rotter

i schick da mei glücksgefühl
mitten in an luftsprung

des am boden zruck

in a leichtes schaukeln übageht
und si gaunz saunft weitadreht


(c) by elis rotter

Video von meiner Lesung bei der Veranstaltung
"Lesung gegen Gewalt" (11. u. 12.11.2009)

i hob jez amoi
es rezept glesn
und de zutatn kauft

kocht wiad
waun zeid is

(februa 2010)

© bei da elis rotter