trotz
trutzigem
trotzen

rotzen

(mei 2010)

(c) bei da elis rotter

nie hätti ma
des drama
lossn

dabei woas
goa ka
drama

sondan
aafoch nua:
a traum

(mei 2010)

© bei da elis rotter

de kotz hod
in da nocht
kotzsee
gschpiem

und i bin
in da fruah
schiffal
gfoahn

(mei 2010)

© bei da elis rotter

olle redn
üba weate

wichtige

jo, sogoa
üba-lebens

wichtige
weate

glaubst san damit
de leba-weate
gmaand?

(mei 2010)

© bei da elis rotter

du bist ned allaa
in dia do wohnan zwa

du bist niemois frei
in dia lem no drei

sötn bist du gaunz bei dia
mid dia do satz es via

iha seids aa maunchmoi fünf
ned dass i de nosn rümpf

owa oft sads es zu sechst
aa waun du des ned mechst

und mid dem da drübn
sads es aun de sieben

na und in da nocht
san de aundan daun zu ocht

owa wos, i bin ned so gemein
i zöh nua guad bis nein

midanaund do mocht des zehn
ka aungsd, du bist ned schizofren


(mei 2010)

(c) bei da elis rotter