maunche oate haum an
gaunz an oagn eainnarungsweat

es pockt di
du wiast wehmütig
fost sentimental

a guades, woames gfüh
des di einlullt
in an glicklichn moment

owa daun gähsd auße
und denksd da
is des ois wiaklich
a eainnarung weat?


(oktoba 2008)

© bei da elis rotter

ea woa da jingste
da schnöste
da vatraunswürdigste
im windkanal

und auf amal…
dopingskandal

sie woa die scheenste
die natialichste
die aufrichtigste
im szenelokal

und auf amal…
dopingskandal

ea woa da greste
da eafoigreichste
da eahlichste
im bärental

und auf amal…
dopingskandal


(oktoba 2008)

© bei da elis rotter

i schau in ana wichtigen klausur
nua unauffällig
auf mei oambaunduhr

bei dera stundnlaungan
redarei
schlof i a
maunchmoi ei

drum foig i
a ned imma
dem valauf

owa mei bauch
der weckt mi
wieda auf

weu des so
fuachtboa bläht
wauns imma nua
um eitelkeiten geht

kämpf i in mauncha konferenz
mid ana oagn flatulenz


(oktoba 2008)

© bei da elis rotter

ereilt
dahingerafft
entrissen

riskiert
gespielt
verloren

in vollen zügen
ausgehaucht

nicht gesucht
- gefunden

(oktober 2008)

(c) bei da elis raotter

gäh ma ned auf die EIA
du EIA

scho mid dein hendi
host ma a EI glegt

und jez glaubst
du kaunst mi
mid dein neichn EI-fon
EI brodn?!


(oktoba 2008, anlässlich des Welt-EI-Tages)

© bei da elis rotter